Organización

O proxecto Wiki Loves Monuments está organizado polos Capítulos locais de Wikimedia e algunhas asociacións colaboradoras.

O concurso organízase de forma federativa en cada un dos países participantes e divídese en dúas fases, a fase nacional e a fase europea.

• A fase nacional está organizada polos Capítulos locais de cada país, sendo cada unha delas independente do resto, pero seguindo unhas normas mínimas comúns para todos. Esta fase terá unha serie de premios nacionais outorgados por un xurado nacional e ó mesmo tempo seleccionará un conxunto de fotografías que se presentarán á fase europea.

• A fase europea está organizada entre tódolos Capítulos locais e terá unhas normas específicas. Un xurado a nivel europeo seleccionará ós premiados desta fase de entre tódalas fotografías recibidas das distintas fases nacionais.